新唱片参与度高　　胡鸿钧：创作歌手真系当之有愧

胡鸿钧（Hubert）日前作客TVB娱乐新闻台节目《StarTalk》，接受主播许文轩（Edmond）专访，大谈再推出新碟感受。Hubert说：「今次出碟感受好深，一来经历咗上年喺音乐上嘅休息，再加上之前拍剧受伤，所以有一种重新出发嘅感觉，休息嘅时候可以畀时间自己同自己倾计，更清楚知道嚟紧条路可以点行，或者以往发生嘅事有咩做得唔够好，可以点改善。」

谈到今次唱片参与度高，更加有一半作品属其创作，成为真正的「创作歌手」，Hubert说：「创作歌手呢个名真系当之有愧，自己唔系创作出身，亦唔系以创作歌手姿态入行，所以呢条路都系慢慢摸索中，𠵱家努力学习同创作。」问到新专辑中的歌曲唱腔有所改变，Hubert直认不讳，他说：「参加比赛出身嘅歌手，好多时都会有Show Off嘅腔口，而家听返觉得有啲造作，同埋𠵱家后生嘅歌手同埋个潮流，唱嗰时都唔会太Over同唱得太用力，佢哋唱得好舒服，但有好多情绪，亦有技巧，我同监制商量后决定将把声放轻好多，我都系一路学一路录。」