被郭富城笑指「佢痴㗎」 杨千嬅自认：系黐线个黐

郭富城、杨千嬅及导演黄庆勋，日前接受香港开电视主播马梓轩专访。城城于戏中饰演流浪汉阿博，被问人生曾否经历潦倒时刻？他坦言：「庆幸系未嘅！不过细个我有个朋友仔做清洁，所以拍摄时我操控嗰部清洁机器，感受好深！剧组冇人识用，得我识用，所以呢个就系人生经验，但如果我冇呢个经验，我唔识用部机，我又点能够说服阿博呢个人物角色呢？」
饰演落泊歌女的千嬅，戏中对爱情义无反顾、不离不弃，城城闻言即笑称：「佢痴㗎！」千嬅谓：「现实中我真系黐㗎哈哈！但唔系痴心个痴，系黐线个黐！其实我觉得唔同年纪，阅读爱情亦唔一样，尤其是女人！后生时如果你好多本钱，ABCD可以多个E！但到30几岁仲系孤伶伶一个，会开始主动出击！到40几仲系自己一个，真系会孤独同唔开心！希望有一个灵魂伴侣，佢系识得同你分享同分担！」
副导演出身的黄庆勋，是次肩负重任首执导演筒，他坦言拍摄过程紧张。城城更表示首日开工，有乘机「测试」导演功力，他说：「当日我拍完快餐店戏份，拍完之后一齐睇playback！我留意到导演睇完之后，佢眼神好似同我讲可以再好啲！然后再拍，完成后我又望吓导演，佢有少少微笑同点点头！呢个就系我想要嘅嘢！」