【扮晒辛苦】荣升姨姨劲兴奋　JW享受为家姐姨甥仔做阿四

JW（王灏儿）最近有喜事发生，讲嘅唔系佢同拍拖多时嘅男友Tarzan准备结婚，而系向来同JW感情好好嘅律师家姐CW（Cindy Wong），喺9月2日为外籍老公Paul诞下B仔「Amias Nolan」，令JW荣升姨姨。继早两日亲自喂姨甥仔食奶，JW今日更做埋阿四，她贴出拖住大箧又孭大个袋嘅相，仲留言：「姨姨嘅作用：帮手攞嘢，揸车买嘢，做阿四」表面睇好似几辛苦，但睇见JW个样咁鬼兴奋，加埋佢扮晒呻辛苦嘅留言，就知佢其实系享受多过不满啦！