星島日報

曾向鮑起靜羅蘭借錢渡難關 吳浣儀靠拍劇還債養大仔女

2020-09-09 10:00
浣儀姐接受苑仔訪問,仲自爆曾跟羅蘭和鮑起靜借錢。
浣儀姐接受苑仔訪問,仲自爆曾跟羅蘭和鮑起靜借錢。

吳浣儀日前應好友苑瓊丹邀請,亮相香港開電視節目《開工大吉》,暢談多年演藝生涯的點滴。浣儀姐話其實年輕時「喜愛夜蒲」,更即席向苑仔示範舞,:「苑仔話我嗰樣老老實實,但佢唔了解後生嘅我,當年我都係會周圍玩,收工要去『蒲』㗎,去飲嘢、跳舞之類,跳得好勁𠻹,我係鍾意去玩!年青時有人讚我幾靚,加上讀書時有做過舞台劇,覺得自己鍾意做戲,見到電視賣廣告,又冇咩做咪試吓考訓練班,諗住唔得㗎,點知又過晒關,所以話真係整定嘅!」



浣儀姐直言入行初期,出演閒角扮茶客,兩個月後便接拍有份量角色迅速走紅:「因為我以前又曳又惡死,所以角色都叫做番我自己,好自然就發揮到囉!去到1975年我因為『嬲』而離開電視台,當年都算年輕,做咗兩年突然搵你做啲閒角,加上唔小心NG就會有說話聽『唉,冇船過海啦!』而我又剛開始拍拖,咁咪唔鬼做囉!」她表示愛情成為離巢推動力,令她衝動到拒續約,「當年另一半都冇話養起我,但拍極都係閒角,由朝等到晚都未埋位,阻住我拍拖嘛!總之都係任性啦,做嘢冇諗過後果,跟住就轉咗去佳視,點知最後執埋,咁我咪走去結婚囉!」直到丈夫患病,一邊照顧家人,另一邊廂拍劇養家,成為浣儀姐人生最艱辛的日子,「當時真係唔做唔得,仲要問鮑姐(鮑起靜)、羅蘭姐借錢過難關,要拍劇還債!不過我好得意,自身嘅事唔會點喊,要面對囉!後來丈夫過身,好在一直都有戲拍可以養家,當時好忙都冇時間理啲子女,但好在佢地𠵱家都好OK!」

浣儀姐接受苑仔訪問,仲自爆曾跟羅蘭和鮑起靜借錢。
浣儀姐接受苑仔訪問,仲自爆曾跟羅蘭和鮑起靜借錢。
浣儀姐跟苑仔話當年,傾得相當開心。
浣儀姐跟苑仔話當年,傾得相當開心。

錄影當日,浣儀姐仲買蛋糕為苑仔慶祝生日,相當有心。
錄影當日,浣儀姐仲買蛋糕為苑仔慶祝生日,相當有心。
浣儀姐好感激當年得鮑姐相助。
浣儀姐好感激當年得鮑姐相助。

最新回應

關鍵字

相關新聞

熱門文章