【吐气扬眉】曾落败《全民造星II》陈勇龙夺「最上镜大奖」喊爆

2020-09-08 13:57

日前《亚洲模特盛典Face of Hong Kong 2020香港区决赛》全球网上互动直播节目，港韩混血儿23岁陈勇龙(Lung)，虽然曾经失落《全民造星II》，但凭187cm嘅model身形加上行天桥表现淡定，最终夺得「最上镜大奖」，喺疫情过后，有机会代表香港前往韩国与其他国家模特争夺《亚洲模特盛典Face of Asia》殊荣！

陈勇龙去年曾参加《全民造星II》，不过去年参赛时，选唱林子祥嘅《分分钟需要你》就因为自杀式嘅表演方式，惨被评判狠批，不过之后就赢得网民关注，仲话佢可以行谐星路线。

经过挫败滋味，陈勇龙今次得奖后喊爆，接受本报访问时说：「今次比赛自己真系好努力好认真，花咗好多时间健身同增值自己，亦都透过呢个比赛学到好多嘢，包括待人接物，好感恩识到好多新朋友。」提到得奖后爆喊，问到平时系咪喊包？他却说：「平时反而好少喊，但今次自己有付出努力得到成果之后，真系忍唔到，加上一谂起妈咪长期住喺韩国，大家好少见面，终于有少少成绩，今次可以用比赛嘅名义返韩国见妈咪，希望妈咪可以我为荣！」