【亚视一哥】直认当年片场发脾气尹天照：我冇后悔过

2020-08-12 20:33

昔日「亚视一哥」尹天照应苑琼丹邀请，接受香港开电视节目《开工大吉77》访问，阿照被苑仔追问当年片场「发脾气」一事，尹天照趁机剖白：「当年试过一次拍戏，刚刚先拍完第一Take，点知个助导走埋嚟畀第二稿、第三稿，我心谂『我做畀你！我将每一稿嘅优点沟埋演畀你！』但最终啲人都系同你玩反面！其实呢啲嘢冇啱定错，我冇后悔过。作为一个演员，如果冇火嗰角色唔会好睇，但系火得滞可能会影响其他人，点样火点样拿捏就要靠时间。」

尹天照离开电视台外闯，点知投靠个老板股票失利，唯有食回头草Sell林伯(已故林百欣) 开拍成名作《我和僵尸有个约会》系列，拍完之后再返内地拍戏搵食：「呢个选择冇话啱定错，就当你铺排得好好，𠵱家又会点？𠵱家间电视台(亚视)都唔喺度啦。」尹天照坦言有其他电视台接洽，奈何制度令他放弃签约：「初步倾都知自由度有问题，算啦…都过咗去。」

苑仔自爆当年尹天照曾劝她「信教」，但最终失败而回，但他的性格亦因宗教而改变：「我嘅改变系因为我𠵱家嘅宗教，当时太太有病，我搵唔到任何嘅方法去帮佢，咁啱有个朋友，佢有癌病但决定唔再睇医生，我闹佢黐线，佢就同我分享教会见证，我就去教会睇吓，因为呢一件事，我认为唯一出路就系靠耶稣。」