【维港会】育两孩港妈租楼还要为母交租及家用 呻日子难过

供养父母日常生活开销不少人认为是理所当然，不过当如果要负担上父母的住所租金，又是否合情合理呢？有网民在讨论区「亲子王国」发问，「有无人要负责埋呀妈既租楼钱?」。

当事人指，她负责了开支几年，自己租一个地方，未满65岁的母亲又租另一个地方，还要交付3000元家用，觉得好辛苦。当事人透露，她一家4口加外佣姐姐住，她妈自己一个人住。至于爲何不一齐住，当事人解释，「因为佢晚晚食烟饮酒无人顶得佢顺，重有好污糟」。

有网民就留言称，「我当你呀娘住劏房，6000，你自己4口住10000，每个成16000， 小数怕长计」。当事人就透露，「我自己（租金）唔止10000啦」，又指「以前佢（母亲）有间居屋架，之后欠人钱卖咗间居屋，所以依家应该系唔可以申请公屋，因为已经接受过房屋署津贴...综援佢拎紧架啦，千零蚊佢自己都唔够使」

当事人其后再补充说，「我相信我依家所做既一切已经尽咗我最大既努力，尽咗做女嘅本份，问心无愧，我唔系要人认同我，只不过近来觉得压力好大，如果无咗份工我都唔知点算」

有人就批评当事人有欠孝道，称「第日我个女上网咁话我，我会好心痛...我养个女到长大成人都好重负担，当然人老咗要靠后生内心系唔好过嘅，但为人儿女唔可以话呀妈污糟，我做女都会呻我妈行为思想，但我有生之年我有粥有饭都会喂饱我妈先，自己食唔食好闲。我妈病我同佢抹屎冲凉，佢问我怕唔怕臭，怕乜？我细个啲屎都系你抹人，要掉得返转头」

有人就认爲，「无不是之父母，呢句不嬲都呃人，自己做仔女嘅都要量力而为。」有人就建议，「家用加两面租屋的确好吃力，不如去社署问下有冇咩津贴适合你妈妈个case」