冇见两个月 杜德伟囝囝AJ兴奋落楼接老窦
2020-09-01 16:21 
即使近月疫情反覆，杜德伟(Alex)为了工作，7月初仍要飞上海拍戏《射雕英雄传之九阴白骨爪》。出名疼爱囝囝的Alex，在内地工作时已表明好挂住囝囝AJ，更要不时睇囝囝的短片止瘾。昨日杜德伟老婆Icy在AJ的社交平台上载了一段影片，内容是AJ迎接爸爸Alex回家，并以《爹哋终于返屋企❤️》为题留言:「
早几日AJ问我：『我大个咗爹哋会唔会返嚟？』我答佢：『查实你爹哋星期日就返🙄😂』 （查实我有同佢讲过）」暗指AJ冇好好记住妈妈讲嘅嘢。
片中可见知道落楼接爸爸嘅小肥仔AJ心情兴奋雀跃，搭电梯期间跳跳紥举晒手，话晒两个月冇见，杜德伟一落的士即揽住囝囝深情拥抱，场面温馨。之后一家三口行去等电梯，因为Icy教导AJ要拎物件触碰大堂按钮保持卫生，减少感染疫风险，可见杜氏一家防疫意识相当高亦教导有方。最后AJ仲帮爸爸推行李，真系孝顺又可爱。但片中Alex一直只揽住囝囝，冇提过老婆半句，唔知Icy会唔会呷囝囝醋呢?
關鍵字
最新回应