上海拍《射雕英雄传》 杜德伟每日报告隔离情况

7月1日，杜德伟(Alex)要飞去上海开工拍摄《射雕英雄传之九阴白骨爪》，拍之前当然要隔离，出发前，Alex都好紧张，因为佢话停工太耐所以有工开都有啲心慌，同埋成世人第一次要隔离，最重要就系要暂别3岁囝囝AJ，未上机已经话好挂住肥仔。

一到埗已经要办隔离手续，每日向有关部门报告体温，探热针是必须的。因为Alex租住服务式住宅，有厨房可以自己煮嘢食，见佢手势都唔太差，简单一餐难佢唔到，去到隔离第四日，佢都系Hea住过，睇吓卡通片敷吓面膜又一日，但去到第六日，佢终于有嘢做，就系同剧组演员围读剧本，当然唔系面对面而系网上围读，Alex话终于Feel到进入工作状态嘅感觉，见佢好认真咁读剧本，成枱面都系文具，方便佢Mark低重点，再望真啲，Alex原来饰演欧阳锋，都几得意。