【独家】54岁少女Look Shopping 不老温碧霞嘟嘴试唇膏

54岁嘅温碧霞(Irene)的确好劲，虽然5字头，但身形Keep得好好，五官都冇乜走样，最难得系「不老Irene」乐此不疲几十年都系嗰个少女风嘅着衫风格，露膊低胸加飘逸仙女Feel嘅吊带裙，几十年如一日。日前下午，难得着牛仔Boot，仙气减少，多咗型仔味嘅「不老Irene」去ifc买唇膏，试搽期间佢仲试到嘟晒嘴，真系好Cute呀。采访:张咏森

温碧霞现身处上海，佢话因为接咗好多Job所以都要逗留当地一一段时间，预计10月中先返香港。佢报平安话喺上海好安全，仲去咗上海迪士尼乐园玩咗一日，买咗T恤、文具及玩具畀个仔Xavier做手信兼生日礼物。

用手搽唇膏
当日，梳住中间分界长发，着Tube Dress及牛仔Boot嘅「不老Irene」去咗ifc行街，见佢漫无目的四围行，然后入咗一间化妆品铺头睇唇膏，望咗一阵已有心水，然后佢就叫店员拎咗一支鲜红色嘅唇膏畀佢试，见佢搽完再用手修饰唇边，咦，只手未搽搓手液就直接掂个嘴，唔系几卫生喎。搽完照吓镜，「不老Irene」好满意效果更不自觉嘟嘴，嗰种自信真系隔住两个铺位都Feel得到。