【想成家立室】同女艺人保持距离　吴业坤下定决心唔再传绯闻

吴业坤（坤哥）日前作客TVB娱乐新闻台节目《StarTalk》，接受主播许文轩（Edmond）专访，大谈转会推出新歌《原始心态》感受。坤哥说：「今次首歌录咗8日，系有史以来录得最耐，录咁耐绝对系我自己嘅问题，不过监制舒文都有问题，因为佢太精益求精，成句录咗一个钟，不过咁样系好事，因为可以提高水准，但搞到我有少少觉得自己唔识唱歌。」对于坤哥的原始心态，他表示是唱歌，但举行完第一次红馆演唱会之后有动摇过，「当时支持者少咗，View数又少咗，好似做咩都错，打错字又话我扮嘢，成日俾人捉错处，搞到自己好惊，为咗避开呢啲事发生，都少咗玩社交平台，宁愿唔做唔错，慢慢自己就有啲收埋，其实咁样行唔通，应该要学识唔使咁介怀。」

谈到入行10年绯闻多多，连薛家燕和马海伦都成为绯闻对象，坤哥否认属渔翁撒网，他说：「同前辈有啲千丝万缕系开心，因为佢哋好好，好玩得，先至出现呢啲咁得意嘅场面。我以前唔避忌，留个言、访问讲过一句、甚至唱次Cover就惹绯闻，𠵱家我下咗决心唔好再有绯闻出现，因为真系好烦同惊咗！好似之前拍《迷》，第一日举行记者会，费事传绯闻，所以我同赖慰玲行到好远，电话号码都冇拎。（问到入行后有冇认真拍过拖？）如果话冇你信唔信？真系冇呀！哈哈哈！绯闻嚟㗎！我都想成家立室，但我想大家放下镜头前嘅我，希望对象唔好受绯闻同报道影响咁去认识我。」