【独家】丧父爆喊戏喊到走样获赞 傅嘉莉终于开窍拍剧冇底线

喺TVB新剧《反黑路人甲》中，饰演蒋家二小姐嘅傅嘉莉(Kelly)演技获网民赞好，尤其首集丧父爆喊戏，喊到七情上面完全走晒样，Kelly坦言拍摄时连幕后团队都被感动：「呢套剧系我拍戏以嚟，第一次喊到咁崩溃。𠵱家学会演戏，可以冇底线咁豁出去。」采访：方骞平 摄影：李维隆 场地：帝苑酒店Greenery雅苑座

剧中傅嘉莉和蒋家姊妹赖慰玲、林宣妤拍出感情，所以特别投入：「我哋3个真系好老友，现实生活中，我都好想有个姐姐及妹妹，佢哋畀到姊妹感觉我，而嗰场丧父戏系关键性场口，正因爸爸离世，3姊妹先出嚟撑起个社团，作为二小姐只系金融界才女，未见过社团大场面，自然会束手无策。其实我都系合情合理咁演绎，冇计算过有咁好反应，好开心。」

珍惜每场戏
除咗喊戏，今次监制仲畀多个考验Kelly，就系第一场戏经已要同许家杰kiss：「佢好好，大家好有沟通，稍后我同佢，同埋屋企人之间会发生大事件，我喊到连对白都讲唔清，个心撕裂咗，比丧父戏更加崩溃。」入行多年的Kelly自言经历过人生高低，渐渐地多了体会，对演戏都有帮助：「明白到演戏系将个人献畀个角色，角色要姣就要姣，作为演员要将自己放得更加低，唔应该畀自己有底线，咁样先可以将角色更加突出，开窍之后，我更加觉得演戏好玩，𠵱家我好珍惜每场戏，会当作最后一次机会咁去做到最好！始终喺疫情下，冇人知下秒会发生乜事。」