【独家】入行20年首获国际奖项 陆骏光提醒自己不要自满

陆骏光（昵称嗱喳）最近凭去年港台单元剧《星星的孩子：鱼蛋》夺得「2020 New York Festivals TV & Film Awards纽约电影电视节」演员铜奖。入行近20年首度夺得演员奖项的他，因疫情未能亲身领奖，以为感受不大，直到奖项寄到手他才识得感动，更一度眼湿湿，他认为得奖后反而会提醒自己不要自满，不要停步，要更加努力尝试不同角色，因为永远不知观众何时会留意到。采访：杜淑霞 剧照：由港台提供 发型及化妆：Kyo Lee 服装：O.N.S. at Kapok、Converse Hong Kong

嗱喳最初收到导演通知会参加影视节时，没有太大感觉，「老实讲之前拍第一部电影《碟仙碟仙》同埋《Ｇ杀》，因为难得咁有发挥，曾经以为有机会提名，但到头嚟都系冇啦！所以真系冇再谂奖项嘅嘢，所以导演通知我参展，我都冇乜感觉，到攞埋奖其实都唔系好真实。」加上疫情取消了颁奖礼，没机会亲身领奖，令他感受也不深。

直到奖项由美国寄到来，嗱喳才真正感受到那份重量，「我放喺客厅当眼个柜度，我望住一阵突然呢廿年嘅回忆一涌而上，忍唔住眼湿湿。其实得到呢个奖真系好荣幸，因为参展嘅国家系嚟自世界各地，而我系香港代表唯一一个得到演员奖，而得到金奖嘅演员，主演嘅英国剧集《Fleabag》系夺得金球奖㗎！」讲到得奖原因，嗱喳认为演绎胜在够自然，「呢个剧系比较写实，感觉有啲似纪录片，所以导演要求我哋要演得好淡，好似生活紧一样。」




得奖后嗱喳坦言开心完就算，只跟太太食立食寿司当庆祝，往后只会更加努力工作，「我会提醒自己唔好自满，唔好停步，反而要更加努力尝试唔同嘅角色，之前试过对自己演出好有信心都系冇奖，今次演出完全冇花巧，反而得奖，令我更加明白罗冠兰老师当日同我讲，千祈唔好为奖项演出，单纯发自内心去演最重要，因为你永远唔知观众几时留意你，将来我希望观众记得我演嘅角色之馀，都会记得我叫做陆骏光。」