【米芝莲出没】唔戴口罩行夜山变身OL麦明诗身形暴胀

2020-08-15 10:30

「十优港姐」麦明诗(Louisa)喺之前嘅热播剧《杀手》中饰演黎耀祥视障女儿阎素之，演技获赞赏，惟她决心暂别幕前，学以致用转行做国际商业顾问。昨晚Louisa喺IG上载咗三张冇戴口罩，素颜行山相，见她束住马尾，穿上紧身运动装、手持行山杖，表示由鹤薮行到大美督。其中一张系对住个月亮食紧月饼，仲相约跟她合作过《单车游学团》嘅拍档潘梓峰(Bryan) 中秋节一齐踩单车、行夜山兼一齐食月饼。

Louisa未有交待系咪旧相重温，还是趁住昨晚系friday night行夜山，她写道：「呢排成日留喺屋企多，做嘢又比较忙，有一段时间冇出去同大自然玩游戏，好挂住以前成班人一齐行山、踩单车、潜水嘅日子，唔知几时先可以再玩过？收到月饼先发现原来中秋节就快到，以前过节都会约埋一班朋友聚一聚，人月理应团圆，今年，可以吗？中秋想见你again @danwan @bryanpun 我地约埋行完夜山、踩完单车一齐食月饼？」

如果系新相嘅话，过住OL生活嘅Louisa，加埋「抗疫肥」，麦明诗明显肥咗，穿上贴身运动衫身形更见肥嘟嘟，白色外套透视到粉红色运动Bra，上围相当丰满，仲突出咗个胃腩。有网民错焦点留言：「个Bra好红」、「身材劲咗，个胸大咗」，随即有粉丝为麦明诗护航，嬲爆回应：「虽然你讲乜唔关我事，但系点解人哋好健康去做运动，你硬系要讲个胸大咗身材劲咗？我就觉得个笑容比以前更开心。如果你想睇咸湿嘢点解你要follow佢？」亦有唔少网民认同她「胖了」、「米芝莲出没」、「成个月饼就咁啪，好癫 ... 」也有人表示「Miss you so much」及提醒她「注意安全，最好带返个口罩。」