为𠱁囝囝亲手搞生日会　孙慧雪落足心机连发型都衬埋

呢排作为父母嘅，喺疫情下想𠱁仔女开心，真系要纹尽脑汁，前日(28日)就轮到孙慧雪表演，因为佢3岁嘅宝贝仔Riley生日，而呢个廿四孝妈咪唔可以带囝囝周围去玩庆祝，但就同老公Edwin夹手夹脚喺屋企帮佢搞咗个好温馨嘅生日会，成功令Riley超开心，佢仲连发型都整埋囝囝至爱嘅卡通人物，认真唔话得㗎！阿雪留言：「寻晚Riley开心到唔瞓觉，猛讲today is my birthday,今朝又一早起身话：mybirthday～睇嚟真系好开心喎！话说爸爸妈妈之前一晚趁Riley瞓咗，就泵好晒啲气球收埋喺房；第二日，爸爸带埋Riley返公司，妈妈就即刻布置好成间屋，煮埋餐饭，等Riley返嚟！佢开心到飞起！#唔系想买咁多玩具#系深水埗啲玩具太抵#加埋淘嘅气球#入面仲加咗字条玩笃爆波抽奬#成个套餐#都唔洗1千」