【有病容】等足四日才入院 邓达智面肿肿精神较前差
2020-07-29 10:00 
62岁时装设计师邓达智（William）上周五（24号）初步确诊新冠肺炎，因为公立医院牀位不足，他只能留守元朗屏山村家中隔离，等咗4日3夜，直至噚晚10点由救护车送入观塘联合医院。昨晚黑色装扮，戴上口罩嘅邓达智带住随身物品，自行步上白车，无需救护人员协助，但上半截面带点浮肿，从眼神可见，精神比日前略差。
他接受本报访问时表示，抵院后，由两名医护人员陪同上病房，幸好被安排入住一间双人房，房内唔会有太多病人。因为上到病房经已系晚上11点几，暂未见到医生，不过有护士为他做抽血、量血压、探热等基本检测，搞到冇得瞓，兼且之前一晚瞓得唔好，头重重，声沙沙，有两声咳，有少少唔舒服，状况系比前差咗啲嘅，但一切等今朝见医生再算，眼前最重要系瞓返个靓觉。不过他喺医院陌生环境似乎瞓唔着，直至清晨六时WhatsApp仍在上线中。
關鍵字
最新回应