为晒囡囡肥脚仔　林子善跟太太合作度埋剧情拍片

林子善自从去年12月荣升老窦后，他跟太太Kary（董佩欣）一切以囡囡以晴为中心，更加对囡囡锡到浓，只要有时间都会争取时间亲自凑女，仲帮囡囡拍下唔少得意相同可爱片段。今次他跟Kary更加度埋剧情拍片，片段中见到子善喺度食紧薯片，太太出声叫佢畀块佢食，但子善唔肯仲解释话：「呢包薯片特别入味㗎！」跟住镜头一转，见到包薯片入面仲有囡囡嘅肥脚仔喺度，相当搞笑！而Kary亦在留言话：「林家牛仔片，Yummy！阿妈一放假～就要谂啲嘢玩下，NG左好多次因为我同工人姐姐笑到癫咗」睇嚟等到以晴再大啲，佢哋呢一家应该仲有更多精彩嘅片送畀大家。