【见到都焗】家中有老有嫩 谭俊彦戴重型口罩跑步

政府听日将全面执行室外强制戴口罩，讲到明做运动亦不能豁免，家中有老有嫩嘅谭俊彦(Shaun)其实一早已戴罩跑步，小心驶得万年船，家阵啲病毒周围都有。

今日Shaun就上载戴重型口罩跑步嘅相到IG，并留言「呢啲疯狂日子几时先会完?」 同样爱跑步又有仔女嘅胡诺言留言问喺边度买?亦有新加坡朋友留言问佢点解要重装上阵?谭俊彦回答自己日日跑步都有戴口罩，对方即叮嘱佢要量力而为。