出Po写长文狂赞老婆　　林子善获圈中人妻陈自瑶麦雅致大力支持

林子善17年娶了圈外女友Kary（董佩欣）后，即变身爱妻号，去年12月太太为她诞下爱女以晴后，他升呢住家男，乜都以家庭为先，呢日他又出Po写长文狂赞老婆Kary，除了好体谅子善为工作好少时间陪伴她同囡囡，而对子善所有决定都会给予支持，令他相当感动。子善仲叫一班兄弟加入他得闲赞吓老婆行列，保证夫妻关系更加好。呢个Po一出，当然第一个赞好是子善老婆Kary：「你返工一（日）捱夜捱又冇得训（瞓）甘（咁）辛苦...我同bb全力支持你，加油」亦即时引起不少圈中人妻回应，好似跟王浩信结婚9年、育有一女的陈自瑶：「讲得好！」；曾跟台湾老公成婚4年、现已离婚的陈炜：「有最强后盾，是幸福的，加油！」;以及嫁了给张頴康8年、生了一对仔女的麦雅致：「世事都被你看透，夫妇相处之道就系多赞美⋯我读紧硕士都冇你讲得咁叻呀」。

子善赞美老婆Po全文：「呢个POST系我头先行行吓返屋企好想，歌颂下我老婆平时对我嘅体谅，首先大家都知道做我呢行忙起上嚟非常忙碌，放工返屋企全家瞓紧起身返工全家仲瞓紧，因为好多时真系只瞓得几个钟头，仲要好多时一放假，除咗休息之外通常都去咗做健身，尤其是近排操得密左时间分配少咗俾老婆同BB......但我老婆都非常支持我做嘅一切，令到我更放心打好呢场仗，每个人都有佢自己嘅家庭，都有一本难念的经，但出嚟做事如果有个好似我咁嘅老婆真系非常幸福，所以好感恩佢一直支持我，包括放弃做老板佢都好支持，好似今晚咁操都咁夜成12点先返到屋企，佢每次见到我第一眼永远都系笑，我个女同佢好似每朝起身见到我第一眼都系笑，所以好想喺度多谢佢嘅支持。我成日同好多兄弟讲，放大老婆嘅优点缩小老婆嘅缺点，你想做皇帝就要将老婆变成皇后，多啲赞赏老婆同多聆听佢嘅说话，如果你唔听佢讲嘢佢搵第二个听，咁呢啲叫做捉虫入pat pat你谂啦，我从来未怕过老婆因佢一直守护我，你都试吓出P赞自己老婆关系必定好，BIG BABY I LOVR YOU#常感恩#爱老婆
」