【禁堂食】屋企开饭仔女嘈到拆天   林盛斌无奈摇头反白眼

新冠肺炎社区大爆发，政府宣布加辣抗疫措施，包括周三起全港食肆禁堂食扩及全日。林盛斌（Bob）昨晚上载一家6口坐喺饭厅开饭情形，留言：「其实冇得出去食饭都好嘅，费事嘈亲隔离枱啦...........」

 

片中Bob老婆同4个仔女食饭时，讨论议题时你一言我一语，嘈到拆天，基本上听唔到讲紧乜，只系传来女声讲听我讲先..畀我啦... 唔系呀...大女霏霏激动地讲到企晒起身，手舞足蹈，细仔就企喺张櫈度猛讲BB话，见惯「大场面」嘅Bob嫂一咪笑笑口，耐心聆听仔女诉求，Bob却无奈摇摇头，冇晒老婆仔女乎。

 

梁家玉留言：「真系好正」、陈咏谦话「好澎湃」、许家杰坦言「日日系咁真系会爆炸」，阿Bob回应系！唔少网友话「笑死」、「攞你命三千」「做完嘢返到屋企，见到咁情景真系人都癫」、「珍惜珍惜，当他们成长后就会愈来愈少」、「三个女人一个墟，何况有四固咁多，细佬明显输晒啦！」、「幸福的家」、「bob表情好正」。