【禁堂食】屋企開飯仔女嘈到拆天   林盛斌無奈搖頭反白眼

新冠肺炎社區大爆發，政府宣布加辣抗疫措施，包括周三起全港食肆禁堂食擴及全日。林盛斌（Bob）昨晚上載一家6口坐喺飯廳開飯情形，留言：「其實冇得出去食飯都好嘅，費事嘈親隔離枱啦...........」

 

片中Bob老婆同4個仔女食飯時，討論議題時你一言我一語，嘈到拆天，基本上聽唔到講緊乜，只係傳來女聲講聽我講先..畀我啦... 唔係呀...大女霏霏激動地講到企晒起身，手舞足蹈，細仔就企喺張櫈度猛講BB話，見慣「大場面」嘅Bob嫂一咪笑笑口，耐心聆聽仔女訴求，Bob卻無奈搖搖頭，冇晒老婆仔女乎。

 

梁家玉留言：「真係好正」、陳詠謙話「好澎湃」、許家傑坦言「日日係咁真係會爆炸」，阿Bob回應係！唔少網友話「笑死」、「攞你命三千」「做完嘢返到屋企，見到咁情景真係人都癲」、「珍惜珍惜，當他們成長後就會愈來愈少」、「三個女人一個墟，何況有四固咁多，細佬明顯輸晒啦！」、「幸福的家」、「bob表情好正」。