隔离期倒数一日 姜涛闷到贴床照Stanley High爆刷牙

MIRROR成员姜涛及邱士缙（Stanley）要去台湾拍偶像剧，因为要隔离14日先可以正式开工，姜涛飞之前就话唔担心隔离会闷，只要有得上网同有部手机就冇问题，从来都系讲就无敌嘅，做呢?我知涛涛尽咗力㗎嘞。

好辛苦先捱到13日，煲剧过日辰嘅Stanley就唔太大问题，仲因为就嚟够期而非常兴奋，播住劲歌嚟刷牙，仲边刷边fing头，佢仲话好想剪头发，等多日啦。

至于姜涛呢，情况就麻麻，呢两日嘅ig story都系post唔见样嘅相，感觉好闷闷不乐，寻晚嗰张仲系床照，老实讲，姜涛自拍功力进步咗，张床照其实几靓。