隔離期倒數一日 姜濤悶到貼床照Stanley High爆刷牙

MIRROR成員姜濤及邱士縉（Stanley）要去台灣拍偶像劇，因為要隔離14日先可以正式開工，姜濤飛之前就話唔擔心隔離會悶，只要有得上網同有部手機就冇問題，從來都係講就無敵嘅，做呢?我知濤濤盡咗力㗎嘞。

好辛苦先捱到13日，煲劇過日辰嘅Stanley就唔太大問題，仲因為就嚟夠期而非常興奮，播住勁歌嚟刷牙，仲邊刷邊fing頭，佢仲話好想剪頭髮，等多日啦。

至於姜濤呢，情況就麻麻，呢兩日嘅ig story都係post唔見樣嘅相，感覺好悶悶不樂，尋晚嗰張仲係床照，老實講，姜濤自拍功力進步咗，張床照其實幾靚。