【独家】检测呈阴性 邓建明闭关唔敢乱咁去:条街好危险
2020-07-24 11:30
麦德罗确诊新冠肺炎,跟他密切接触者都受到感染。而太极乐队成员Joey Tang(邓建明)曾于7月4日去过尖沙咀出席唱片业界一位前辈的寿宴,当晚麦德罗都在场,当Joey得知麦德罗确诊后,他第一时间去做病毒检测,直至昨晚才有报告显示呈阴性,Joey即报告喜讯,向本报表示多谢关心,不过,为人为己,短时间内会留在家中隔离,庆幸8月初才有工作做,视乎到时情况而决定工作,唔会乱嚟。
他认真道:「𠵱家唔敢周围去,出街真系好危险,身在澳洲求学嘅囝囝非常担心,呢件事上启发到要珍惜身边人,留喺屋企其实都有好多嘢做,我每日做两次健身都用咗4小时啦,之后弹吓结他,好快又一日。」
喺疫情下出席生日会被指系烂玩,他有话说:「其实系我一位识咗好多年,我好尊重嘅唱片业界前辈60岁大寿,咁我咪去一去祝贺吓佢罗,去到先见有咁多人,原来开咗3围,期间见麦德罗到场,不过佢系直入房间,而我哋就喺酒楼大堂位置,后来佢先喺房出返嚟,去咗另一围枱同人敬酒打招呼,我就同另一围枱嘅人倾偈,基本上我哋系冇接触嘅。」
關鍵字
最新回应