星岛日报

【独家】拍《杀手》伤痕累累 龚嘉欣唔谂结婚向视后进发

2020-07-23 23:00
龚嘉欣拍《杀手》付出好多,但佢冇谂过要有乜回报,只求尽力演出。
龚嘉欣拍《杀手》付出好多,但佢冇谂过要有乜回报,只求尽力演出。

龚嘉欣喺新剧《杀手》中饰演癫丧嘅Dark Angel,同黎耀祥打戏连场,拳拳到肉,表现获赞,打到伤痕累累的嘉欣,至今右手指尾仍然留有后遗症,因为韧带曾撕裂而搞到变形。嘉欣强调从来冇埋怨:「我系一个捱得苦嘅女仔,OK啦,都系值得嘅,因为要尽力做好件事。」采访:方骞平 化妆:Henry Li 发型:Sue Cheung 服装:kate spade 饰物:Atelier Swarovski 鞋:Rene Caovilla

龚嘉欣拍《杀手》付出好多,但佢冇谂过要有乜回报,只求尽力演出。
龚嘉欣拍《杀手》付出好多,但佢冇谂过要有乜回报,只求尽力演出。
剧中同黎耀祥有好多动作镜头,两人开工前深呼吸再顶硬上。
剧中同黎耀祥有好多动作镜头,两人开工前深呼吸再顶硬上。

龚嘉欣为拍新剧《杀手》牺牲好大,头发要铲青,又要性感Look丧打,更要被黎耀祥摸胸,好彩剧集出街后反应好好,都算冇白费心机:「朋友以为我打得好流,睇完就劲赞,话冇谂过我做到替身同武指嘅效果,镜头前播嗰几分钟动作镜头,其实拍咗成日,每日同祥哥(黎耀祥)开工前都会叹一口气,唔知今日点算好!」叹完气之后呢?嘉欣笑言,「叹完气咪硬住头皮埋位罗,不过出嚟有咁好效果都系值嘅,就算留有少少伤疤,我都唔系好在意。如果下次开Part2再做打女,我一定拉埋祥哥落水,哈!佢系我戏内戏外嘅好拍档嘛!」

Dark Angel打得又睇得,令人眼前一亮。
Dark Angel打得又睇得,令人眼前一亮。
嘉欣拍到伤痕累累,至今小腿仍然留疤。
嘉欣拍到伤痕累累,至今小腿仍然留疤。

玩人哋个B一样开心
除咗打斗要求严格外,龚嘉欣试过做唔到一个表情而眼湿湿:「我要澄清,监制陈维冠冇闹过我,相反好鼓励我哋,只系我忟自己啫!」戏中Dark Angel好重感情,会为所爱而争取,现实中的嘉欣坦言感情随缘,唔会谂太多嘢:「几时结婚生仔控制唔到,但喺事业上,可以好清晰咁定下目标,𠵱家我30岁,希望可以再探索多啲嘢,当然,4年前拎过女配,下个目标系视后。𠵱家未系时候结婚生B,惟有做住保母先,玩吓人哋个B一样好开心。」

龚嘉欣虽然细细粒,但身材都有睇头。
龚嘉欣虽然细细粒,但身材都有睇头。
嘉欣下个目标向视后出发。
嘉欣下个目标向视后出发。
拍摄期间周身骨痛,嘉欣冇时间睇医生只好贴药膏。
拍摄期间周身骨痛,嘉欣冇时间睇医生只好贴药膏。

最新回应

關鍵字

相關新聞

热门文章