【独家】银行拎表格申请政府派钱 罗霖悭住使买M记返归

因为香港疫情爆发第三波，虽然食肆仍然有早午餐堂食提供，但专家一早讲咗，可以嘅话就尽量买外卖，喺公众地方除口罩食嘢风险太大。回春靓妈54岁的罗霖就好听话，日前见佢喺屋企附近嘅又一城行街，去银行拎完政府派钱表格就去买M记返屋企慢慢叹。采访:谭壹致

罗霖月初接受访问，提到当年离婚喊足半年更曾经想自杀，后尾谂到三个仔同父母就打消念头更重新振作，拍写真开美容院靠自己养家。不过因为疫情影响，佢话已经六个月冇返内地工作，每月损失6位数，靓妈大呻，「要用积蓄过活，希望尽快开关，虽然朋友话就算开关都唔好咁快去，但我唔理嘞，好过饿死。」

高贵外卖仔
因为要悭住使，罗霖消磨时间都只系去屋企附近嘅又一城行街，日前下昼就见到佢喺地下嘅Salon整完头然后向上层进发，先去i.t.，用咗十分钟就买咗件特价衫，然后再路过汇丰银行，因为有职员喺门口派紧「回水」表格，佢又过去拎咗份，之后再去万宁买成药再去买咗成打面包，最后行到最上层帮衬M记，见佢讲完电话再去落Order，应该系买外卖畀囝囝食，买到成手嘢嘅罗霖再慢慢行返屋企。