揭1拖3原因邓兆尊自爆被祥嫂迫入行

2020-07-22 22:31

邓兆尊亮相由苑琼丹（苑仔）主持的香港开电视节目《开工大吉77》，兆尊与苑仔片场结缘，友谊建立于「演戏」之上：「因为我佩服苑仔，佢可以话喊就喊，所以慢慢就做好朋友，我哋之间冇秘密，佢问咩我都会讲。佢问我感情世界，点解会有咁多女朋友，我都话自己唔系特别多，事实上好多人都有几个女朋友，不过唔可以周围同人讲，我就选择讲出嚟之嘛。」

兆尊笑指妈妈曾为佢挡桃花，女友拍拖多年才获对方认定：「第一个女友拍拖30年，去到20年佢先认同佢咋，我唔系博爱，而系一盆水泼埋嚟，总有一两滴会湿身嘅。」除此之外，兆尊更直言，是被妈妈迫入行，投身演艺圈，他说：「我以为大学毕业之后，去做份银行工咁咋，但家人想我做呢行，你知我屋企皇太后啦，佢想你做你冇得Say No，咁咪入咗呢行罗，要到后期我先开始锺意演戏。」