【独家】一家四口茶餐厅食Tea 张頴康好服侍逐个喂

05年港姐麦雅致（Angie）去年跟TVB约满离巢，有一女一仔嘅佢转做亲子KOL。因为之前39岁生日，Angie罕有在社交网贴出性感泳衣照，生过又就嚟4字头，保养得非常唔错。日前佢同老公张頴康及一对仔女去茶餐厅食Tea，叫咗两set菠萝油餐，一早知张生系廿四孝老公同老窦，但无谂过夸到咁，点夸?佢拎住个包逐个喂，喂完仔再喂女然后到老婆，蔚为奇观。采访:谭壹致

究竟咩系亲子KOL?即系喺社交平台Sell吓啲儿童用或妈妈用嘅产品呀，日用品呀，食物呀之类，简单讲即系用自己个平台嚟卖广告，Angie个ig follower有三万人，对一个前艺人嚟讲，唔算太多，要努力吸客嘞。

轮住咬菠萝油
当日，张頴康一家四口喺沙田一间茶餐厅食tea，一家四口食足个半钟，其间食咗两Set下午茶，两Set都系菠萝油餐。老婆眼中嘅好老窦照顾好周到，同个仔玩又同个仔影相，有嘢食就将个包递畀个仔咬一啖，然后再递畀个女咬一啖，咁老婆当然都有份，最后轮到自己，人人有份咬真开心，不过咁样交叉食口水尾会唔会唔系好卫生呢?