同朱茵洪欣组「港普F4」出道　蔡少芬被爆锺意嗌人死八婆

全新女团「港普F4」正式出道！
四位「冻龄女神」蔡少芬（Ada）、朱茵、陈法蓉（Monica）及洪欣凭港式口音的普通话（港普）曾闹出不少笑料，成功在观众心目中留下印象。为了延续「港普」传奇，四姊妹宣布正式组成全新女团「港普F4」，希望透过特色口音继续发放欢乐及正能量！日前，她们拍摄首辑造型照，四位女神简单自然、不加雕琢，没有在她们身上留下岁月痕迹，也唤起无数人那个充满经典的时代。

四位好姊妹虽然闺密情深，私底下不时聚头，但原来在工作上是首次合作。洪欣表示：「我哋有各自分别合作过，有一齐登台唱歌跳舞，但四个人一齐工作合作真系第一次。」Ada不忘发挥搞笑本色称：「系呀，佢哋三个今次好开心可以同我合作，系对佢哋最大嘅福气。」对于被封为「港普F4」，她们坦言不介意，更可以互相增加人气，朱茵说：「其实几好㗎，一讲港普就记得我哋四个人，Ada去拍戏同埋综艺节目时，大家一听到佢嘅港普就会谂起我哋其馀三个。」

访问期间，她们姊妹间的昵称也意外曝光，朱茵续道：「我哋平时私底下唔会叫咩F4，反而系称呼大家做『死八婆』！」洪欣继续爆料，矛头更直指Ada ：「系呀！系Ada嘅口头禅嚟，佢叫个个都系『死八婆』，我哋冇名㗎，有时都唔知佢叫紧边个。」Ada百辞莫辩，引得全场大笑。Monica表示由于她们感情要好，才不会因对方的说话而介怀：「因为熟先唔会嬲，我仲记得嗰阵留长头发，Ada话我个妆好似男扮女，佢老公张晋都好紧张话『你唔好咁讲啦，Monica会嬲㗎』，我觉得第个讲就可能嬲，但Ada 讲我只会觉得几好笑。」

常说娱乐圈如战场，女艺人之间经常竞争得火红火绿，提到「港普F4」多年来在工作上的相处之道，Monica表示：「我哋之间唔存在竞争，当大家好好朋友嘅时候，对方接到工作会戥佢开心，可能我有家庭需要，接咗个广告大家又会戥我开心。」Ada透露最重要是存着大方无私的心，四姊妹之间从未有心病：「我哋四个有样嘢好，就系都想大家过得好，例如呢个广告接唔到，Pass比对方都会开心，唔会觉得你抢咗我工作，唔会有心病。」