张继聪同囝囝庆祝13岁生日 方力申留言自爆样衰旧史

寻日系张继聪同谢安琪大仔张瞻（James）嘅13岁生日，一家人食蛋糕庆祝应该好开心，大只老窦贴咗张蛋糕相到IG并留言，「Happy birthday my boy ❤️」，但一件温馨事瞬间变趣事，事关方力申见到张瞻话咁快13岁有感而发，「Time flies， 我仲记得喺你音乐会我抛高Jim Jim 被你家人黑面叫我唔好。」阿聪回佢，「你咁大只，抛到二楼咁高。」完全系有声Post，咁究竟黑小方面嘅系张家边位家人?张太自己揭晓，「that’s my mom。」最尾仲要加个无眼睇嘅Emoji，成件事好有画面亦好好笑。