【有违限聚令】林德信带林子祥游志莲食斋两父子除罩合照被轰防疫意识低

2020-07-18 10:30

疫情肆虐，而且持续扩散到社区，政府收紧防疫措施，包括禁止公众地方多于4人聚集，并呼吁市民尽量留喺家中，唔好出外食饭。但型男林德信（Alex）唔系几听话喎！昨天他喺IG上载相片，留言：「今日带爸爸去食午饭！美好的一天！」原来系去咗钻石山志莲净苑食斋。

林德信与爸爸林子祥感情要好，两父子夹定打埋同一款领呔，游园期间并排而行，步伐一致，相当温馨，但父子二人却除口罩喺南莲园池合照留念，其中一张系7个人大合照，超出限聚令人数上限，而当中有两位女士仲冇戴口罩添。

眼见衞生防护中心传染病处主任张竹君医生形容𠵱家疫情有啲失控，多次公开呼吁市民冇必要唔好去东九龙重灾区，加上7人中有4个冇戴口罩合照，网友指他们防疫意识好低。