晒机机「美人鱼」相 Bob预言细女大咗变IG女神

林盛斌（Bob）育有3女1子，5岁多细女林机儿 （机机）被指与内地女星周迅撞样，陈敏之及吴若希亦争做Bob亲家，年纪轻轻嘅机机经已好受欢迎。

昨晚Bob（林盛斌）喺IG放咗「𡃁模」机机水著照片， 留言：「三家姐大个都几肯定系嗰d乜叉叉IG女神！」相中望住镜头嘅机机，好似条美人鱼咁趴喺水中，眼仔大大， 轮廓分明 ，样子相当标致。连诗雅赞机机靓女；张宝儿形容她系美人鱼；杨潮凯话机机靓到冇朋友，Bob即回应：「佢有好多朋友㗎！」亦有网民叫她够18岁参加港姐！至于Bob细佬Jaye都被赞系萌爆小童，有咁优质子女，阿Bob应该开心到爆。