【独家】喺老公眼中全世界最靓　黄天颐赞C君把口𠱁死人

「C君嫂」黄天颐近日于ViuTV节目《索女人妻ichi烹》中，跟34C索女乐宜比拚厨艺，说到对手来势「胸胸」，天颐也笑称有少少压力，但会继续行亲民贴地路线，还大方容许老公C君（郑诗君）𥄫靓女，她笑言：「有时都会同佢讲『呢个女仔几靓』，但佢好醒答我『吓！边度靓呀？』仲成日赞我。」把口真甜！采访：黎宝伦　发型：Richie@Leighton Avenda Salon　化妆：nikileungmakeup

去年尾黄天颐下嫁拍拖4年的C君，以为升呢人妻后厨艺会大跃进，殊不知家中大厨原来是C君，「我本身唔太煮嘢食，系佢煮多，我负责洗碗，佢会煮家常便饭，例如鸡翼、蒸蛋、肉饼，好少煮西餐。」故今次在节目中挑战煮西餐，连充当「白老鼠」的C君都无资格批评，不过讲讲吓，天颐就忍唔住爆老公超强𠱁女技能，「佢好识交戏，譬如我煮到一半未成形，佢就行过赞：『几好喎，似模似样，好叻呀你！』畀信心我，识咗咁耐佢都冇弹过我。」并谓婚前也问过对方可介意自己不懂下厨，略懂术数的C君竟答：「从来冇Expect你会煮嘢食，你都唔适合煮嘢，因为忌火。」

暂冇生B计划
有个「廿四孝老公」真幸福，天颐却反驳：「我都有做家务㗎！幸福唔系佢识做几多嘢，系佢唔嫌弃我唔识做几多嘢。（自觉幸福人妻？）暂时系嘅，始终都系结咗婚半年，生活上冇太大改变。」至于造人大计，虽然已作身体检查，下一代遗传严重地中海贫血的机会不大，但天颐仍没有胆量生B，「暂时冇生B打算，我觉得生BB比结婚更大𠄘诺，而家成个社会环境都唔系好稳定，唔知将来会点，我觉得我哋未有十足信心会照顾得佢好好或畀到佢一个适合嘅环境。（索性唔生？）冇咁决绝，而家言之过早。」