借老公袁剑伟生日狂谷新戏　林嘉欣畀粉丝笑：放闪无可疑

呢排忙住为主演嘅电影《死因无可疑》宣传嘅林嘉欣，噚日竟然为咗一个人连出三个Post，无他咁重要嘅人当然系老公袁剑伟，正因系老公牛一，嘉欣梗系紧张啲啦！第一个Post放咗个生日蛋糕相，写住：「袁导演，生日无可疑，快乐无可疑，健康无可疑」跟住朋友送嘅礼物相，压轴登场嘅就系嘉欣坐住老公大髀齐齐准备吹蜡烛嘅相，再写：「你知道的...不说了」当中仲hashtag住「#才华无可疑#幸福无可疑#细心无可疑#型男无可疑#坚持无可疑#甜蜜无可疑#GOODTAKE无可疑#导演无可疑#入樽无可疑#赢波无可疑#得分无可疑」虽然系借生日狂谷套新戏，但呢套系佢同老公合作嘅第二套作品，宣传吓都好应该嘅，最搞鬼系有粉丝好配合话「放闪无可疑」。