【头条独家】爆黄子华讲大话 C君周家怡认自动减薪

C君和周家怡都有份参与黄子华炮制的贺岁片《乜代宗师》，强调只属客串身份的C君除了演刘心悠徒弟外，还首度出任电影配乐；而首度跟子华合作的家怡则演子华老婆，她直言劲唔够喉。讲到子华卖楼开戏，两人都大赞对方为电影的付出，C君更忍唔住大爆子华讲大话，因对方完全冇剥削他们薪酬，反而是他们自动献身配合。

撰文：杜淑霞 摄影：李维隆
发型：Vincent Yeung @M Plus Salon(家怡)、Renton Hung@VIA IL COLPO(C君)
化妆：Herman Wong(家怡)、Manyee Lau(C君)
服装：Atsuro Tayama(家怡)
场地：K11 Art House

C君虽然演西洋拳高手心悠的徒弟，但摆明完全唔识打，「我只可以客串，因为打3拳已经穿煲啦！」而家怡讲完自己演子华老婆后笑言：「自己讲完都打个冷震！角色系一个好唔周家怡，好自我中心，子华有讲到个角色唔系乞人憎，但系好难拿捏。」C君即向她大派定心丸，「你做到好得意，有可爱嘅效果。」讲到初次做配乐，C君自爆事前要接受子华考核，「好前期佢讲咗某啲场口想有只咩音乐，做到呢几只啱心水咪可以合作，不过亦证明佢前期嘅前期已经谂紧后期，佢自己又要演，你话佢每日要谂几多嘢。」

迫不得已
提到子华今次为这部电影卖埋楼，家怡话好仰慕，「佢爱电影爱到咁样，要去到卖埋层楼，同埋佢唔系想讲呢件事出嚟，系迫不得已先咁做。」问到两人事前知唔知卖楼一事，家怡说：「佢有讲佢投资，我当日系同公司讲，呢套戏系子华自己畀钱嘅，我好想拍，佢开咩价钱都OK。」C君更加忍唔住要玩踢爆，「佢只系话佢自己畀钱拍，但系佢卖咗楼可唔可收平啲，佢冇咁讲，冇讲下一句，所以佢段YouTube片系讲大话，讲到自己剥削啲台前幕后，所以唔系佢剥削我哋，系我哋自己配合佢。」