【神复制】恶搞Dua Lipa运动教学片　Alton＠MIRROR同队友姣爆劲扭

疫情下影响幕前工作，近期不少艺人转型到网上抢「收视」，好似一班歌手卫兰、林奕匡、许靖韵等，纷纷拍片献唱娱乐大众，而不时于YouTube分享打机片的MIRROR成员Alton Wong（王智德）昨日就搞搞新意思，上载了一条以「六分钟Work Out片原来好辛苦」为题，实情是恶搞英国乐坛新扎天后Dua Lipa的新歌《Physical》之「Let's Get Physical Work Out」版MV的短片！

片中，Alton联同一班兄弟和美女跟足「原装正版」着晒80年代复古运动Look，劲跳Warm up dance；抱住「无聊事认真做」的精神，今次影片的制作都好认真，不单止有晒排舞、打灯、道具等，连大家的姣爆表情都99% Copy and paste，有份演出的Anson Kong（江熚生）、Tiger（邱傲然）、Lokman（杨乐文）、Boris（黄浚铭）等更完全抛下偶像包袱，陪住Alton屹箩、狂扭兼发姣，尽显Wild一面！至于馀下的1%，就要怪反串Dua Lipa的Alton，MV中他频频对镜头展露「好假的笑容」，喜感十足，其实Alton会唔会考虑过档做ERROR成员呢？

Alton留言：「六分钟Work Out片原来好辛苦，唔系讲紧Workout，系辛苦在又搬又排又做又演又导又剪又盛咁。搞咁多嘢拍片都系望君一笑，希望大家钟意、支持吓，或者有咩题材有感都可以留言分享喔。」一众粉丝睇完条片都爆笑，有网民写道：「好黐线啊好正啊！点解你哋会谂到扮呢个MV㗎？你哋真系好劲啊！」、「主角睇得又大只喎，每位都好落力演出，表情同动作都好卖力！120分！霞姨，每人派多2个饭盒」、「好正！你哋个样愈认真就愈好笑！」、「好姣呀 I love it」、「我到底睇咗啲咩？笑到黐线」等，不少人仲话好想同佢哋疯狂Work Out，认真搞笑！