粉丝醉翁之意只在肿   庄端儿开Live送糉派福利 

疫情下娱乐圈系重灾区，唔少台前幕后都冇嘢做，唯有谂吓计求生，35E迫爆身材嘅庄端儿（Xenia）出名有睇头，最近她积极进军YouTube界想成为性感KOL，之前更上载多条片吸客试反应，仲会派福利晒半球。而上周六就处女做直播，换上运动装教一众巴打做运动，又介绍最爱猫咪。昨天她又出击，身穿Deep V上衣，拎住糭子作直播预告篇，留言：「预告一吓，星期六晚上9点-10点，我会喺 up live度直播，同大家一齐包糭同倾偈，仲会有PK环节，希望大家可以留言帮手等我赢返次，有份参与嘅朋友都有机会，食到我亲手包嘅糭㗎！Up号:xen23号:xen23约定你。」

 

相中庄端儿大晒胀爆身材，搞到一众宅男错晒Fo，真系流晒口水。唔少fans举手话要，有人话「超级靓女，系咪真系你包㗎」、「我想试你手势」、「应该会超好食」、「醉翁之意不在稯…只在肿」、「好想食你。。。啲糉」。

 

对于反应咁好，庄端儿都超级开心，她说：「因为疫情少咗工作，上周开始试水温做直播，keep住同粉丝互动吓，暂试吓做一个月，睇吓反应点。我会每次谂吓主题，上次运动，又畀小猫观众睇吓，今次就包糭，仲会设问答环节，抽中嘅幸运儿就有糉攞，虽然首次包糉，但相信唔会太丑样呱！而且佢哋应该贪玩，唔会太要求我包嘅糉。」