做运动唔懒得 徐天佑37岁再变大只佬

2018年3月，Shine喺红馆开第二次演唱会《Shine Moments Live 2018》。当时徐天佑操到好Fit，成身肌肉，但肌肉唔易Keep，当无乜几何再骚肌就自然会慢慢偷懒。

去年九月，天佑突然怀缅过去，贴咗一张肌肉相到IG，当时佢话，「真肌肉，戒食，狂操，真系用咗好多时间！嗰啲打针嘅打多两针...Bye bye 」一箭双雕，讲出自己有几努力，同时串爆嗰啲打针肌肉佬。

好嘞，过咗就嚟一年，今年三月，天佑终于的起心肝再做运动，然后到今日，佢又再操，仲话「又开始操返，大家就算忙都要尽量抽时间做运动，健康好紧要。」
好大只呀。