【头条独家】主持育儿节目乘机偷师　黄泽锋望囡囡快乐成长

53岁黄泽锋与太太陈丽丽去年老来得女，自然将萌B「小黄妃」黄𤋮恩宠到上天，近日为香港开电视育儿节目《我的志愿速成班》任主持的他，亦乘机向一众专业人士偷师。问是否望女成龙？他只希望囡囡快乐成长，又慨叹：「自从多咗个小朋友感觉唔同咗，而家想老啲先死，想睇到佢最少大学毕业，如果睇到个孙岀世仲好，但唔知自己有冇咁长命。」采访：黎宝伦　场地：The AIR (The ONE)

此次《我》节目中，邀得不同成功人士分享育儿之道，去年7月才荣升老窦的黄泽锋认为：「小朋友将来做乜，系要用唔同方法培育，但最重要系佢哋有兴趣。」难道不渴望女儿继承衣钵做女飞鱼吗？曾是香港游泳代表队成员的他私心说：「想！我都希望自己攞奖嘅项目，个女都可以攞到，咁就老怀安慰。」但谓人生苦短，不会强迫囡囡做任何事去破坏两父女的感情，泽锋感性地说：「坦白讲我90岁时，佢先30几岁，所以尽量令佢快乐人生。我同太太都唔想成为佢负担，所以呢十年八年会快快搵多啲，Set一个好家庭、好位置畀佢行，唯一要求系要佢好好读书。」

做人唔好悲观
提到受疫情影响，年初四起主要收入来源遭截断，泽锋却表示绝不悲观，「我成日同自己讲听日一定会好，最多重头嚟过，留得青山在哪怕冇柴烧，乐观其成罗。」面对社会一片愁云惨雾，他称将来都会教囡囡要逆境自强，「人生系一个过程，要为理想而战斗到最后一刻！唔好因为而家嘅环境将你人生改变，Set咗咁行就要坚持，过程崎岖咪用意志走过去罗！」