【头条独家】疫情留家唔怕闷 谭凯琪同老公玩角色扮演
2020-06-05 23:30 
2月宣布下嫁商人庄日宇（Enrico）的谭凯琪（Zoie），最近先后有两套剧《降魔的2.0》及《飞虎之雷霆极战》推出。她笑言《降魔的2.0》角色有趣在要做醉娃，原来拍摄时都有谘询老公意见。讲到升呢做人妻，她坦言仍在适应中，至于生B就会顺其自然，她又自爆因疫情经常留家跟老公玩煮饭仔，仲会哼住歌煮餸，有时更会玩吓角色扮演，虽然她自称好无聊，但这正正是新婚甜蜜情趣啦！撰文：杜淑霞 摄影：李维隆
Zoie在《降魔的2.0》角色有趣在经常扮醉，但原来她近年对酒精敏感，唔饮得酒，所以她是凭记忆和观察朋友来扮醉酒戏，她亦有问老公意见，「我嗰时都问老公好唔好饮啲酒嚟演呢？但系佢叫我千祈唔好，佢知道我饮咗酒唔知我自己做乜。（惊你断片？）系呀！惊我拍唔到，所以我就打消咗呢个念头。」
生B顺其自然
讲到新婚生活，Zoie笑言仍在适应人妻身份，至于生B计划，她坦言在计划当中，「但几时真系要问个天啦！依家系顺其自然嘅，老公都锺意小朋友，我谂生一个先，惊凑唔掂呀！」Zoie坦言在疫情下，跟老公多了时间，直言都是一个考验，「一起身第一个就系见到佢，临瞓前隔离嗰个又系佢，变咗大家相处时间会多咗，都OK嘅，几sweet嘅，有时我煮吓嘢食嘅时候哼吓歌，佢又会接住哼番，好似大家一齐唱紧歌咁。」除了煮饭仔时一唱一和，Zoie仲自爆跟老公平日宅在家的无聊玩意，「多咗啲情趣，会做啲无聊嘢，我觉得两个人相处，最舒服唔使刻意去谂去边度玩，或者做啲咩刺激嘅嘢，其实两个人喺屋企，好似唱卡啦OK咁你一句我一句又得，我又会同佢角色扮演，佢会模仿我啲屋企人，我又会模仿吓佢啲屋企人，『你估我依家又变咗边个』即系呢啲，会搵一啲人嘅特质去模仿，演绎完之后畀对方估。」
最新回应