【头条独家】艺人工作太被动自创机会 刘佩玥开网上频道谷人气

刘佩玥（Moon）最近在《降魔的2.0》再演「啤啤」，虽然上辑已死变为灵体，但一样有好多感情戏，除跟「小马」（马国明）的爱情，仲有跟父母及上司的感动位。Moon笑指马明仍是个很好玩弄对象，因对方太正人君子。至于疫情下，Moon开设自家网上频道谷人气，剪片拍片一脚踢，她更打算亲自创作歌曲，为自己创造机会，因艺人工作太被动。采访：杜淑霞 形象：Lilian Kan 发型：Matt Lau 化妆：Angela Shum 服装：aliceMcCall

今辑的「啤啤」，Moon认为演起来更加好玩，「因为佢唔再净系锺意『小马』，仲会讲番佢嘅志愿，同父母以及上司关系同感情，有好多感动位，我自己睇剧本都睇到喊㗎！」至于跟马明再合作，她觉得更易投入感情，「我依家见到佢好自然会当咗自己系『啤啤』，喊戏都唔使特别培养感情，好自然就喊到。」

不过提到马明，Moon忍不住自爆整蛊对方经过，「上辑佢摸我个胸，事前佢好风骚㗎，但当我话我冇打底，佢就即刻好紧张，当然我系玩佢，梗系冇蚀畀佢啦！点知今次又系，我哋有类似场口，我又系话畀佢听冇打底，佢依然会好紧张提我，所以佢真系个好好嘅玩弄对象嚟，不过亦证明佢真系个好人，系个正人君子，其实佢拍摄时对我同（黄）智雯都好照顾。」




疫情下，Moon刚巧拍罢《逆天奇案》后便不用开工，不过她好积极，开设自家网上频道谷人气，剪片拍片一脚踢，「我哋呢行真系好被动，所以决定自己开个频道，分享多啲自己另一面畀观众睇，我以前都系读电影，但丢低咗剪片嗰啲要再学番，依家大部份嘅片都系自己剪番。」她还打算自己制作歌曲，继续自创机会，「自己都锺意唱歌，嚟紧除咗cover外，都想做首属于自己嘅歌，但睇吓见唔见得人先。」