被质疑隔离期未满偷走饭聚陈滢提供「出关」短讯求清白

2020-05-22 17:36

由加拿大回港的陈滢(Jeannie)，日前趁「520」这个示爱特别日子，跟好友蔡思贝、何雁诗、陈嘉宝、赖慰玲及吴嘉熙见面，并开心留言「spending 520 with people I love ♥️♥️♥️」。不过却被质疑她未满「14日强制隔离令」便偷走外出和好友饭聚！

事关她喺5月7日在IG出po话告别加拿大，5月8日抵港当日，还在IG的限时动态上载多张照片，显示身在亚洲博览馆接受深喉唾液检测。照计算，5月22日她才可自由外出，但她却在5月20日已和好友饭聚。

陈滢对此啼笑皆非，还提供通知她「出关」短讯给本报作证说：「我点会咁蠢呀！梗系唔会犯啲咁低级嘅错误啦！首先个个都要好认真咁去对待疫情，自己都唔例外，冇可能早过14日偷走；而且一直有手带监控，亦会视像监察住，FaceTime嚟确定喺屋企，总之肯定居安抗疫呢14日内冇出过去。其实我5月2号一早返咗香港，只不过落机好攰，所以迟咗po图文，抖足精神先至出po嚟同大家分享落机过程，事后好多人多谢我，话呢啲资讯帮到手，了解到到港程序。所以我5月16日一早可以出关。话我偷走简直系笑话，真系偷走仲咁张扬，搏畀人拉咩！」至于回港后过两周要拍新剧《七公主》，紧接拍《飞虎3》。