【疫境劲多Job】网友睇到拳头硬　肥仔美颜变姜涛

新冠肺炎肆虐下，一众艺人纷纷大嗌冇嘢捞、收入骤减！不过，21岁人气小鲜肉姜涛（姜B）近日不单止推出新歌《蒙著嘴说爱你》，仲频频孖住ERROR成员肥仔（梁业）拍广告！继早前「肥姜」联乘郑裕玲（Do姐）卖消毒液后，昨日二人又于社交网贴出新广告Sell美容产品，片中，戴上假发的肥仔敷住面膜用美颜神器在面上系咁碌，眯晒眼、O晒嘴的他一脸享受，殊不知镜头一转，肥仔一抬高头即秒变姜B，仲派心心𠻹！姜B都搞笑留言：「有没有想过……其实@fatboyip是我的分身？没有啦，只是他有天得到高人指点，获得修身美颜秘笈，将自己完美改造成我的样子……」结果，有网友打趣道：「突然觉得你同肥仔都几似样」，又有人搞笑向肥仔留言：「睇到好想打你」、「用完身形都可以瘦埋，买买买呀」，相当爆笑！