【头条独家】 新歌音域濶劲高音 姜涛早预计现场唱易失准

姜涛最近被指在《东华抗疫慈善骚》演唱新歌《蒙著嘴说爱你》失准，更引发粉丝跟DJ麻利因「懒音」展开网上骂战。其实早在演出前他接受本报访问，已提到《蒙》歌音域濶劲高音，录音前就算找老师恶补，一样要灌录多次才顺利成功，令他一度对唱歌冇晒自信，更预计现场演绎会是一大挑战。结果现在真的出事，幸好他选择正向面对冇逃避，都算抵赞。撰文：杜淑霞 摄影：李维隆 形象：Felix Wong 发型：Lydia
@Chic Private I salon 化妆：Giann@AnnieGMakeup centre 服装：D-Mop 场地：心烧食堂

姜涛筹备这新歌可谓一波三折，他原本打算先推出首劲歌，虽然歌已录好，舞亦排了一半，更打算飞到韩国拍MV，但因疫情影响，结果临时转用《蒙》歌，更用上带有疫情主题。他解释歌曲意思，「大家戴住口罩，所以会蒙住个嘴，呢首歌希望畀大家讯息系虽然蒙住口罩，但系呢个唔会系大家嘅隔膜嚟。」

姜妈妈惊喜现身MV
到录音时，姜涛再遇到困难，就算事前搵埋老师练歌学咬字，一样唔掂，「通常第一次录可以执好听啲，但系第一次录系执都执唔到，对自己真系冇晒信心，最初转呢首系好开心嘅，因为咁急都搵到首咁好听嘅歌，但系唱嘅时候发觉有啲后悔，哈哈！后尾真系录到想掉低个咪，想发脾气。呢首歌系我史上录过最多次，前后录咗8、9次，因为呢首歌key非常之高，执咗好耐。（现场唱咪仲难？）所以我𠵱家练紧，真系好难唱，压力好大。」


再到MV一样有波折，本来导演打算将歌曲倒转来拍，最终也要改，「导演将道具都买好晒，我仲练好倒转讲变咗好似外星文嘅歌词，但点知『限聚令』一出又唔得，因为要好多一齐拍。」不过，反而造就姜妈妈可惊喜现身MV，「导演改咗成个拍法，拍定啲片等我喺电视度出现，就推个电视周围去，我同阿妈讲呢日嚟，咁佢就落咗街偷拍，导演都觉得奇怪呢个人成日跟住，仲唔小心拍到佢，但出到嚟反而觉得几得意，所以瞒住阿妈冇剪到照出。」