【谢安琪拍片】陪仔女家中开派对　张继聪跳到扭晒腰劲投入

张继聪出名爱锡一对仔女，近期避疫留在家，他更加长时间陪玩。呢日张氏家族又有新搞作，阿聪在社交平台上载了两段片，都是他跟12岁囝囝张瞻和3岁囡囡张靖一齐跳舞片段，睇见他们一家校暗晒啲灯，似十足开私人派对咁款，全程睇住电视跟住卡通人物一齐跳舞，摆明就是爸爸和哥哥为了陪妹妹而跳啦！最搞笑系，除了妹妹好鬼投入，跳跳吓仲会同爸爸阿聪「畀个五」之外，睇落反而扭腰扭得最劲，最投入嘅竟然系阿聪本人，果然系个好演员，入戏系必须要嘅。另外，片段虽然唔见妈咪谢安琪现身，但清楚听到她笑声，片段好肯定就是她亲手拍。