【头条独家】TVB御用姣精　邓伊婷杨埕撑偷情男女

近日圈中接连爆出桃色丑闻，继戴志伟、罗志祥惊爆偷食后，TVB二打六艺人朱智贤（Ashley）亦背男友谢东闵跟人夫黎振烨（Jackson）车厢幽会！正当全城闹爆「狐狸精」之际，两位在剧中专演偷食女又爱车震的TVB「御用姣精」邓伊婷（Irina）和杨埕（Sabrina）却愿意为事业牺牲色相，靠「姣」上位！不过两女强调演戏乜都得，私下决不做第三者，但提到Ashley偷食人夫一事，两人又即刻戴晒头盔，认为外间嘅人唔知内情，个龙门放边好呢？撰文：黎宝伦　摄影：李维隆

早年凭剧集《夸世代》胸压森美拍牀照一幕，获网民封为「无綫御用姣花」 的邓伊婷说：「我唔惊角色局限，话得我即系我姣得起，姣得成功！最近系接多咗呢类角色，我觉得有得做好过冇得做，机会一定会慢慢嚟。（目标？）最近喺屋企睇番李佳芯啲剧，佢真系做得好好、好Sharp。」

暑假出写真
Irina不讳言为事业可以去尽啲，即使拍「肉搏戏」都OK，更好恨将萤幕初吻献岀去，今个暑假又计划推出处女写真，暂定以香港Style为主题，在离岛、山径或电车等取景，问会否仿效周秀娜以三点式现身闹市？她笑谓：「要节食几日先，如果Fit都OK。」Sabrina亦表示有兴趣出写真，问到身为亿万千金的她不怕父母嫌太性感吗？多次于剧集上演车震戏的她坦言：「妈咪OK，爹哋比较夸张，佢会话点解阿女而家拍啲咁嘅嘢？担心人哋以为我系咁嘅人。其实而家都27岁，唔通30几岁先嚟拍呢啲剧咩！」

两位猪队友
Sabrina又强调，现实中都不敢玩车震，更无法接受做第三者，皆因她觉得「借咗要还」，Irina也表示：「我都做唔到！有咁多选择点解要选择佢？女仔要爱惜自己。」但提到Ashley偷嗒人夫一事，二人却忽然扭軚，Sabrina说：「可能女仔又错唔哂嘅……」Irina亦撑Ashley是个爽直的好女仔，认为或有外间不知的内情，「系咪男友唔好？可能有嘢发生过呢。」曾跟Jackson拍亲热戏的Sabrina则指对方好规矩，并经常将老婆挂在嘴边，经常将老婆挂嘴边都偷食咪仲衰格罗，系咪呀？