亲子时间任囡囡舞　张继聪晒爱女美甲杰作

受疫情影响冇工开，张继聪（阿聪）最近除了多了时间在家中弹结他、帮太太谢安琪影靓相外，得闲仲会陪3岁细女张靖（Karina）玩，继早前同囡囡、Elsa公主食茶点后，今日阿聪又上载了一段短片，并留言：「今日茶会之前，要美甲。」片中，阿聪Close up影住自己只左手，Karina就拎住支「姣婆紫」指甲油，快速地帮爸爸涂匀5只手指甲，被涂到出晒界的阿聪竖起大拇指，向镜头展示囡囡的「佳作」，相信全程冇出声的他都好无奈！

虽然Karina的美甲技术仲有好大进步空间，但「姨姨」黄翠如却留言：「我想预约。」而江嘉敏就抵死问阿聪：「要唔要化妆呀？」阿聪即回覆：「平时开工都够皮。」不少网友都留言赞好笑，有人仲笑话：「我感觉到手指都有感情戏嘅表达……」、「好得喎，呢位美甲师100分」、「太靓，可唔可介绍下喺边度整㗎」等，阿聪都有回覆大家，笑指「美甲师」Karina好有效率，10秒唔使已经搽晒5只手指甲，仲话搵紧Reference衬乜衫𠻹。见他好有耐性逐一秒覆，睇嚟「闭关」的日子真系好闷、好得闲！