【头条独家】转型独立歌手一脚踢 何雁诗多得郑俊弘做后盾

入行10年，何雁诗（Stephanie昵称Step）早前宣布约满唱片公司转为独立歌手，虽跟TVB仍有经理人约，但她自资出歌，由制作、倾版权到拍MV都要一脚踢筹划，不过Step反而好享受这种新挑战，正如她的新歌《致有梦想的人》一样，追梦过程若缺了勇气和傻劲好难坚持，加上除了父母外，更有未来老公郑俊弘成为她最强后盾，令她更有信心向前冲。撰文：杜淑霞 摄影：李维隆 发型：Green Cheung @ AdmiX hair styling 服装：Topshop 场地：Cosmos

何雁诗认为在旧东家得到好多，譬如唱剧集《不懂撒娇的女人》主题曲《我不会撒娇》有过100万点击率，又有两、三首大家耳熟能详的歌，所以去到这阶段好想有新挑战令自己进步，决定约满后转做独立歌手，「我唔会话𠵱家比起有唱片公司特别好，只系喺呢个过程学到嘅嘢多好多。」

妈咪生日派台
转型后头炮新歌《致有梦想的人》，Step除自资6位数，还要一手包办制作，所有嘢亲自去倾，「自己同公司倾版权，佢叫我畀个BR（商业登记）佢，我话我冇公司，佢就叫我畀身份证登记，所以呢首歌系跟我条命走，感觉几得意。」而今次她邀请了Cousin Fung度身订造《致》歌，「我哋识咗好耐一直冇正式合作过，我写咗啲呢个歌名畀佢，佢一个星期度就写好晒首歌录埋Demo，妈咪听咗话好好听，叫我一定要出，所以我拣咗妈咪生日派台。」

Step坦承这段追梦路途，除了一直得到父母无限量支持，现在更多了未来老公郑俊弘，「因为佢系傻㗎喎！问佢咩都话好嘅，好听呀！咁样某程度多个支持，我可以唔需要担心咁多，因为我知道，我问咩佢都话好。其实我哋互相系对方强心针，我哋嘅关系系应该咁嘅。」