【头条独家】生意受重创求减租　陈洁玲陈伟成教做防疫操

全城「闭关」减低染病风险，人称「翻版陈妍希」的陈洁玲（Christy）和陈伟成（Avis）就向读者教授简单的「防疫操」，让大家宅在家中也能Keep Fit及增强心肺功能，对抗肺炎！谈到各自生意都面临危机，Christy指投资的两间Party Room收入是零，她说：「以前眯埋眼啲钱就会自己嚟，𠵱家每日擘大眼都谂办法搵钱！」经营发廊及健身室的Avis亦盼业主能减租，共度时艰。撰文：黎宝伦　摄影：张咏森　场地：Wow Fitness

拍摄当日，Avis示范了一Set四式的高强度间歇运动，指每个动作做30秒，招式之间唞15秒，一Set反覆做3至4次。起初，成个月冇郁的Christy都做得好轻松，还笑谓：「可以一路睇电视一路做，几好喎！」但做到第二式，她开始喘气兼讲唔到嘢，见Christy速度减慢，Avis即亢奋叫加速，跳到髻都甩的Christy趁机停低唞一唞；到最后一式高抬腿，她直头表情都冇晒，跳了10秒便问：「几多秒呀？」Avis答完唔够1秒，女方竟再问多次！做到气来气喘的Christy表示：「成个人畅通晒！」Avis表示戴住口罩健身，效果会更显著，「因吸少咗氧气，再做带氧运动，就更锻鍊到心肺功能，但冇做开运动可能会晕。」

叫苦连天
Christy提到投资两间分别位于官塘及牛头角的Party Room，自农历新年起暂停营业，零生意额更面临倒闭危机，她说：「𠵱家好积极咁同业主倾，希望得出一个大家都OK嘅方案，共度时艰。（仲有几多积蓄撑住？）唔系话有几多去捱，系值唔值得，始终唔可以无止境咁投资，但呢个系我心血，如果冇咗，会唔开心。」刚宣布做准爸爸的Avis，拥5间发型屋及3间健身室，他谓这两个月是史无前例的低收入，生意额已跌至两成，幸遇上两位好业主愿意减至4、5成租金，Christy即大叹羡慕：「我讲到流牙血先减1、2千咋！」问政府派钱予中小企能否舒缓困境？Avis说：「其实佢派唔到几多，帮唔到我哋，规定啲业主减租仲好，一起共度难关。」