望做称职爸爸 罗力威养猫当预演凑B

罗力威日前接受香港开电视节目《开工大吉77》访问，除了宣传新歌外，更难得开腔讲「家事」：「我哋好快做父母喇，我会安排更多时间去照顾太太，我应该会去学煮餸，其实我都好有信心去照顾BB，因为我当养猫咁养，有晒经验！之前猫猫病咗，我瞓身去喂药、喂粮，我相信对BB都一样，会尽我所能去照顾佢。」

罗力威仲话为喂夜奶，已开始接受「特别习训」：「近排屋企有只猫半夜喺度喵，我就当体验未来BB唔瞓要点做。我同太太有共同价值观，最紧要系令小朋友开心成长，希望我做到一个称职的爸爸。」

讲到新歌MV，罗力威就话MV暗藏彩蛋：「我唱呢首歌唔系谂住太太去唱，成个Feel好似系扮直播感觉，其实当中好多出现嘅人名，都系我嚟紧嘅歌名，所以都好佩服导演呢个概念。」